လီဗာပူးလ် အသင်းသည် နွေရာသီ ဈေးကွက်ထဲတွင် တက်သစ်စ လူငယ် ကစားသမားလေး အချို့ကို အားဖြည့် ခေါ်ယူရန် ဆက်လက် စီစဉ်နေကြောင်း သိရှိရသည်။

လီဗာပူးလ်နှင့် အာဆင်နယ် အသင်းများသည် ဝက်စ်ဘရွန်းဝစ်ခ်ျ လူငယ် အသင်းမှ ယန်ဒန်းဒါး အတွက် အပြိုင်အဆိုင် ကြိုးပမ်းနေကြောင်း သိရှိရသည်။

အကယ်၍ အသင်းမှ ထွက်ခွာရန် စိတ်ပိုင်းဖြတ် ထားပြီ ဆိုပါက တရားဝင် စာရေးသား တောင်းဆိုရန် လူးဝစ်ဆွာရက်ဇ်အား လီဗာပူးလ်က စေခိုင်းသွားဖွယ် ရှိနေကြောင်း သိရသည်။

ရီးယဲလ်မက်ဒရစ် အသင်းက လူးဝစ်ဆွာရက်ဇ်ကို အမှန်တကယ် အလေးအနက် ကမ်းလှမ်းလာပါက အယ်လ်ဗာရို မိုရာတာကို အလိုက်ပေးရန် လီဗာပူးလ်က တောင်းဆိုသွားဖွယ် ရှိနေကြောင်း သိရှိရသည်။

ချန်ပီယံလိဂ် ပုံမှန် ကစားခွင့်သည် ရီးယဲလ်မက်ဒရစ်သို့ ပြောင်းရွှေ့ရေး အဓိက အကျဆုံး ဆွဲဆောင်မှု တစ်ခု ဖြစ်နေကြောင်း လီဗာပူးလ် တိုက်စစ်မှူး လူးဝစ်ဆွာရက်ဇ်က အရိပ်အမြွက် ဝန်ခံခဲ့သည်။

လီဗာပူးလ် အသင်းသည် ဆန်းဒါးလန်း ဂိုးသမား ဆိုင်မွန် မစ်ဂ်နိုလတ်ကို ခေါ်ယူနိုင်ရန် နီးစပ်နေပြီး ရှက်တာဒိုးနက်ခ် ကွင်းလယ်လူ ဟင်းနရစ်ခ် မက်ခ်တာယန်းကိုလည်း ဆက်လက် ချိတ်ဆက်နေဆဲဟု သိရှိရသည်။

လီဗာပူးလ် အသင်းသို့ ပြောင်းရွှေ့တော့မည့် တိုက်စစ်မှူး အိုင်ဂို အက်စ်ပက်စ်က မိမိသည် လူးဝစ်ဆွာရက်ဇ်နေရာ အစား ထိုးမည့်သူ မဟုတ်ဟု ပြောကြားလိုက်သည်။

အကယ်၍ ဗစ်တာဗဲလ်ဒက်စ်သာ ယခုနွေရာသီတွင် မိုနာကို အသင်းသို့ ပြောင်းရွှေ့သွားပါက ၎င်းနေရာတွင် ပီပီရေနာနှင့် လျင်လျင်မြန်မြန် အစားထိုးနိုင်ရန် ဘာစီလိုနာက မျှော်လင့်နေကြောင်း သိရှိရသည်။

လီဗာပူးလ်ကို ကျစ်ကျစ်လစ်လစ်နှင့် နက်နက်ရှိုင်းရှိုင်း ဖွဲ့စည်းသွားရန် ပိုမို လိုလားကြောင်း မန်နေဂျာ ဘရန်ဒန်ရော့ဂျာက ပြောကြားလိုက်သည်။

လီဗာပူးလ်သို့ ပြောင်းရွှေ့ရမည့် အခြေအနေအတွက် အလွန် စိတ်လှုပ်ရှားနေမိပြီဟု အိုင်ဂို အက်စ်ပက်စ်က ထုတ်ဖော် ပြောကြားလိုက်သည်။